in da wiesn liegn,

d' sunn brennt oba,

d'schwoibn flirrn,

s' zittergros kitzlt in da nosn

de grilln zirpn,

de bienen summan,

d'blattln raschl'n leise,

monchmoi

siagst an hosn.

da kuckuck ruaft

du schmunzlst a bissl

weust eam scho long net gheat host,

on da wadn beißt

a brennissl.

a omasn kreut da übas gsicht

a spinnarin hint' noche,

wäääähhh, denkst da,

i wü mei ruah.

oba na jo,

des g'heat dazua

zua natua.

gänseblümchen lochn di o,

a käfa, goidgrün, krabblt,

a buntspecht treamlt in an bam

und irgendwas tuat wischpln.

duat drübn' stengan distln,

wannst in da fruah

lulu

drauf mochst

dann gengans zua,

juhuu!

de zeit vageht gaunz langsam

de luft flimmat,

a boch gluggat

de gedanken schweifen o,

kumman zruck,

irgendwo,

ganz weit weg, wimmat

a KIND,

oda so.

Elke Gaidatsch-Hamernik, 10.5.2010

Erinnerungen an die Kindheit.

Mir selbst gewidmet.